Enn ein vikan, snjór og kuldi en nóg um að vera á Hofi eins og  venjulega. Myndatakan verður í dag, 14.maí, því miður komu upplýsingar seint til ykkar foreldra en vonandi leysist þetta allt farsællega.

Á morgun koma Sniglarnir í heimsókn á Hvítu og Svörtu en börnin þar voru í samstarfi við samtökin og teiknuðu mótorhjólamyndir sem voru notaðar á boli sem verða seldir á vegum Sniglana. Börnin á Hvítu og Svörtu koma til með að fá boli og viðurkenningu fyrir þátttökuna.

Á miðvikudaginn fara börn f. 2006 og 2007 á sinfóníutónleika í Hörpu. Sinfóníuhljómsveit Íslands býður til tónleikanna og mun flytja Maximús bjargar ballettinum. Tónleikarnir eru kl. 9:30 og  því nauðsynlegt að börnin komi snemma í skólann þann dag, deildarstjórar senda ítarlegri upplýsingar í tölvupósti.

Frí á fimmtudaginn og hefðbundinn leikskóladagur á föstudaginn...