|
Almennar fréttir
|
|
mánudagur, 06 febrúar 2012 15:20 |
|
Í dag á degi leikskólans var heilmikið um að vera á Hofi, í morgun komu foreldrar í morgunkaffi til okkar og þökkum við þeim kærlega fyrir komuna. Eftir hádegi kom hópur af öðrum gestum, Haraldur Freyr Gíslason formaður Félags leikskólakennara, Ingibjörg Kristleifsdóttir formaður Stjórnenda leikskóla, Halldór Halldórson formaður Félags íslenskra sveitarfélaga og fleiri. Erindi þeirra var að Haraldur var að afhenda sveitarfélögunum styrk upp á tæp 400 þús krónur sem söfnuðust sl. sumar á tónleikum rétt áður en verkfall leikskólakennara átti að skella á. Sveitarfélögin hafa ákveðið að gefa regnhlífarsamtökum langveikra barna, Sjónarhóli peningana. Börnin fylgdust með athöfninni, þau sungu Krummavísur fyrir gestina og Haraldur tók í gítarinn og söng eitt lag með börnunum. Að lokum bauð leikskólinn gestunum upp á kaffi og kökur og fulltrúar sveitarfélaganna skoðuðu leikskólann. Einhverjar myndir gætu birst í fjölmiðlunum frá þessari athöfn.
Leikskólakennarar gáfu sveitarfélögum tæpar 400 þúsund
Vísir Innlent 06. febrúar 2012 14:14
Þetta tölvupóstfang er varið með ruslpóstssíu. JavaScript verður að vera virkt í vafranum þínum til að póstfangið sjáist.
skrifar:
Haraldur F. Gíslason, formaður Félags Leikskólakennara, afhenti í dag Halldóri Halldórssyni, formanni Sambands sveitarfélaga, risaávísun að andvirði 363 þúsund krónur. Peningurinn er afrakstur söfnunar sem leikskólakennarar efndu til með styrktartónleikum fyrir sveitarfélögin vegna kjarabaráttu sinnar. Ávísunin er afhent í tilefni þess að í dag er Dagur leikskólans. |
|
|
föstudagur, 03 febrúar 2012 08:34 |
|
Mánudaginn 6. febrúar verður dagur leikskólans haldinn hátíðlegur í leikskólum landsins. 6 febrúar er merkisdagur í íslenskri leikskólasögu því þann dag árið 1950 stofnuðu frumkvöðlar leikskólakennara fyrstu samtök sín. Dagur leikskólans er samstarfsverkefni Félags leikskólakennara, Félags stjórnenda leikskóla, mennta- og menningarmálaráðuneytis, Sambands íslenskra sveitarfélaga og Heimilis og skóla. Tilgangurinn er að auka jákvæða umræðu um leikskólann, vekja umræðu um hlutverk leikskóla og starf leikskólakennara og kynna starfsemina út á við. (af vef FL, ki.is)
Í tilefni dagsins verður boðið upp á morgunkaffi á öllum deildum frá kl. 8.30 - 9:30,
mánudaginn 6. febrúar |
|
Almennar fréttir
|
|
mánudagur, 23 janúar 2012 15:11 |
|
Tíminn flýgur áfram og janúar langt kominn, þorrinn byrjaður og farið heilmikið að birta þó snjórinn sé ekkert á undanhaldi. Nokkrar breytingar hafa orðið í starfsmannahópnum. Á Grænudeild byrjaði Anna Katrín um áramót þegar Dagmar hætti. Á Bláudeild byrjaði Þórgunnur en þar er Erna farin í fæðingarorlof og Kristín færði sig yfir á Grænudeild auk þess að sinna sérkennslunni. Á Svörtudeild hættir Steinunn næsta föstudag, hún ætlar að skoða heiminn næstu mánuði en í hennar stað kemur Aldís. Á Rauðudeild byrjar Oddný Jónína næsta mánudag en Arna er farin í veikindafrí fram að fæðingarorlofi. Andri er einnig kominn inn á Rauðu en Ólöf kom í hans stað inn á Hvítudeild. Við erum glöð og þakklát fyrir að fá þettta flotta fólk í starfsmannahópinn, bjóðum þau velkomin og þökkum þeim sem hætta fyrir vel unnin störf
Á morgun koma 1. bekkingar úr Laugarnesskóla í heimsókn, flest eru að koma í sinn gamla skóla og verða líklega fagnaðarfundir, samverustund með öllum hefst kl. 9:15, boðið verður upp á ávexti og svo mega börnin flakka um húsið, kíkja á gamla vini, systkini sín og starfsmenn...
Næsta föstudag ætla börn og starfsfólk að borða saman þorramat, að venju setjum við langborð upp á ganginum og borðum saman hangikjöt, slátur, sviðasultu og hákarl svo eitthvað sé nefnt... börnin setja upp þjóðleg höfuðföt og auðvitað syngjum við eins og á alvöru þorrablótum |
|
|
<< Upphaf < Fyrri 1 2 3 4 5 6 7 8 9 10 Næsta > Endir >>
|
|
Síða 1 af 62 |
Póstur
Viðburðir
